फूल

कुगली हत्यूंन फूल बिरांदी 
फूलू को बैरी फूल हि बणिगे
कैना बणाया अजब इनि या रीत 
कि फूलू कु षूल फूल हि बणिगे।।
  मुण्डी सज्यांन्दी फूलून अपणी 
  सेज सज्यान्दी स्वामी रिझौण 
  पर तिन जरा इन भी नि सोचे 
  कि फूलू कि सौत फूल हि बणिगे।।
सेज का फूल भि कुमलैई गैना 
मुण्डि को जूड़ा भि फुंडु धोलि तैना 
पर तैं जरा भी दया इनि नि आई
कि फूलू कि मौत फूल हि बणिगे।।
  ये फूल वे फूल मा ई फरक चा 
  ये तैं जु चावा जवि तोड़ि द्यावा
  वे फूल पर तुम जु आंखी उठैला 
  समझा कि तुमकू वो काल हि बणिगे।।