मि कु छौ

जरूर पढ्यान अर अपण सुझाव दियान. 
=========================
मि कु छौ....?
............................
लोग बुल्दीन मी गढवलि छौ. 
क्वी बुल्दीन मी गढवाल छौ. 
छोया का पाणी या पन्देर कु धारु 
ह्यून्द का झैड या जेठ कु घाम छौ. 
लोग भुना देव भूमि का छौ 
पर मि नि समझू मि कु छौ. ?
.....................................
स्कूलू मा ताला .जखा 
ठिक्को मा खडु मनिख छौ. 
गंगा जमुना का नौना छौ या 
शराब कु जग्वल्या छौ. 
कूडि पुन्गडि बेचि पीण 
क्या मी उ दरवल्या छौ. 
लोग भुना मी पहाड़ी छौ. 
नि समझू मि कु छौ.......? 
.....................................
जान्दा मनिख्यूकु छैल छौ. 
या पलायन कु मैल छौ. 
उजडदा कूड्यू की फ़टलि छौ. 
तालु लग्यून द्वार मोर छौ. 
रीता गौ कु पदान छौ मी 
या गुठ्यार मा हल्दु ज्यूडु छौ. 
लोग भुना मी देव भूमि कु छौ. 
मि नी समझू मि कु छौ........? 
..........................................
नेताऊ की भोट छौ. 
या पहाडै छाती कु चोट छौ 
क्य गिनती कु एक अंक छौ 
मिन नि हेरि पहाड जना. 
न बोलि ब्वाल न जणुदु छौ 
शैरु की पछ्याण छौ मी. 
पहाड फ़रि कलंक छौ. 
लोग भुना सुदि सुदि. 
मी पहाडी छौ मी गडवलि छौ. 
मी देव भूमि कु मनिख छौ. 
मि नि समझु अजि तक. 
मि आखिर कु छौ...? 
......................................
सन्दीप गढ्वाली ©