कल्जुगि दोश

टिपडा दिखै. हवन करै

फ़िरभी. भुला जम्मा निह्वे.
उच्यणु धारि मुर्गा मरै
वाडु मीन्डु खान्दू पुजै.
फ़िरभी भैजी जम्मा नि ह्वे.
द्यो दिवतो धुपणु करै
रोट कटै परसाद बंटै
फ़िर भी ब्वाडा जम्मा निह्वे.
जगरि बुलै घड्यलि धरै
बामण बुलै पाठ करै.
फ़िर भी काका जम्मा नि ह्वे.
बक्यमा गये छालछाट करै.
डान्डो पूजि गदन बगै.
फ़िर भी काकी जम्मा नि ह्वे.
इतकु का बाना बन्डि रुप्पय खड्या
द्वी सौ का रिचार्ज मा
झट चल ग्याई
देखा मुर्दा फ़रि पराण ऐगे.
वटसप अर फ़ेसबुक चलिगे.
कल्जुगि दोस दिदा.
सीण खाणि हर्चि गे......
....रचना....... सन्दीप गढवाली